Sekretari i Përgjithshëm i Bashkisë së Tiranës, Alban Dokushi është parë sot tek Blloku i Sigurisë, aty ku mbahet kryetari i bashkisë Erion Veliaj.
Në pamjet e siguruara nga gazetarja Anila Hoxha, duket momenti teksa Dokushi del nga blloku i sigurisë, ndërsa nuk dihet ende nëse e ka takuar kryebashkiakun Veliaj.
Ky i fundit mbahet në Bllokun e Sigurisë në rrugën “Mine Peza” që prej mesditës së djeshme, ku u arrestua me urdhër të SPAK.
