Presidenti ukrainas Volodymyr Zelensky tha se forcat ukrainase kishin arritur një “rezultat të mirë” në front, por nuk dha detaje ose vendndodhjen e saktë.
Në fjalimin e tij, ai vlerësoi veçanërisht “Regjimentin 425 Sulmues”, i cili, siç raporton Reuters, mund të tregojë se luftimet po zhvillohen pranë qytetit të Pokrovsk.
Forcat ruse kanë avancuar drejt Pokrovskoye për javë të tëra si pjesë e një ofensive në rajonin Donetsk të Ukrainës lindore, duke kapur një numër fshatrash. Ministria ruse e Mbrojtjes njoftoi se ata kishin pushtuar fshatin Vodjane Drukhe, në verilindje të Pokrovsk, ndërsa blogerët ushtarakë rusë pretendojnë se kjo mund të lejojë ndërprerjen e linjave të furnizimit ukrainas.
Raportet e përleshjeve janë publikuar ditët e fundit dhe “Regjimenti 425 Sulmues” publikoi një video duke pretenduar se kishte rimarrë kontrollin e një fshati në perëndim të Pokrovsk. Viktor Trehubov, një zëdhënës i njësisë ushtarake ukrainase “Khortika”, konfirmoi se luftimet janë intensive përgjatë rrugës që lidh Pokrovsk dhe qytetin Kostiantynivka.
Pokrovsk, një qendër e rëndësishme logjistike, është në qendër të përplasjeve të fundit përgjatë vijës së frontit prej 1000 kilometrash. Forcat ruse aktualisht kontrollojnë rreth 20 për qind të territorit ukrainas dhe vazhdojnë sulmet në Donbas, që përfshin Republikën e vetëshpallur Popullore të Donetskut dhe Republikën e vetëshpallur Popullore të Luhanskut.
