Blerina Gjylameti, një nga përfaqësueset e rëndësishme të Partisë Socialiste (PS), ka shprehur besimin se e majta do të fitojë më shumë se 20 mandate në Tiranë në zgjedhjet e ardhshme. Në një intervistë të fundit, Gjylameti theksoi se objektivi i saj kryesor është që të sigurojë një rezultat të shkëlqyer për njësinë 4, e cila ka një rëndësi të veçantë për banorët e saj.
Ajo gjithashtu theksoi se ka treguar angazhimin e saj të pakushtëzuar, duke përfaqësuar qytetarët dhe banorët me përulësi dhe dinjitet. “Objektivi im kryesor është që njësinë 4 ta nxjerr me atë rezultat që pritet. Për atë që presin të gjithë banorët e njësisë 4, që ka shumë më tepër rëndësi. Gjithkush prej nesh mund të japë një vlerë të shtuar në PS. Vlera që ne ndajmë është ajo që na mban bashkë.
Kam treguar që jam një ndër ato zëra që banorët apo qytetarët që kam përfaqësuar jam munduar t’i përfaqësoj me përulësi, dinjitet. Jam e bindur që do jem përsëri aty. Ndërkohë, mbi të gjitha jam mëse e bindur që PS do jetë në mandatin e katërt. Duke qenë pjesë e kësaj skuadre, jam e bindur që kontributi im do jetë njëlloj. E kam treguar edhe pa qenë në listë të sigurt, në 2013, siç isha e 22-ta. Angazhimin tim e kam pasur maksimal edhe duke mos e ditur nëse do isha apo jo deputete. Angazhimi im në politikë nuk lidhet vetëm me një mandat të qënit deputet”, theksoi Blerina Gjylameti.
Për Gjylametin, angazhimi në politikë nuk është vetëm një çështje e një mandati, por është një angazhim i vazhdueshëm për të dhënë më shumë për qytetarët. Ajo tha se, edhe pa qenë në listën e sigurt në vitin 2013, ka kontribuar maksimalisht, duke e demonstruar këtë angazhim pa u ditur nëse do të ishte apo jo deputete.
Ajo ka besim të fortë në ekipin e PS-së për Tiranën, duke përmendur kombinimin e brezave dhe eksperiencave si një nga faktorët kyç të suksesit të saj. “Kemi një ekip në Tiranë që është një ekip i madh, kombinim mes brezash, të rinj që i janë bashkuar PS, kemi nga ata që janë pjesë të skuadrës qeverisëse, sikundër kemi edhe nga ata që për herë të parë i bashkohen skuadrës socialiste, që vijnë nga fusha të ndryshme të jetës. Besoj që jemi një ekip fitues. Ia kemi dalë më së miri dhe PS e ka patur një nga faktorët kyç dhe betejave të saj elektorale, si çelës fitore që është fakti i kombinimit. Kombinim brezash eksperiencash, kontributesh, njerëz profesionalisht me vlera të posaçme në shoqërinë shqiptare, që kanë bërë sukses në fushën e tyre e që i janë bashkuar ekipit të PS dhe jam e bindur që edhe kësaj radhe do ia dalim me shumë sukses për mandatin e 20 në Tiranë”, tha Gjylameti.
