Interi po zhvillon një sezon shumë pozitiv në Serie A, sakaq e njëjta gjë mund të thuhet edhe për Champions League, ku zikaltërit thyen 0-2 Feyenoord. Ish-lojtari i njohur i Juventus, Alessandro Del Piero, ka analizuar ekipin e Inzaghit.
“Soliditeti në Champions është i rëndësishëm. Krahu i majtë bëri mirë, pavarësisht mungesave dhe adaptimeve. Megjithatë, nuk ishte një ndeshje e bukur, edhe Feyenoordi dha pak, sepse Interi i mbyll mirë hapësirat. Gjithsesi, e pashë Interin pa shumë shkëlqim, ende pa freski fizike. Sidoqoftë, në fund të fundit, ajo që vlen është se fitoi, madje jashtë fushe”.
