Një moment jo fort i pritur nga të pranishmit në protestën për TikTok mbrëmjen e sotme ka qenë ngjitja në podium e një protestuesi të ‘paftuar’ në listën e ligjëruesve dhe që nuk ishte i ri.Teksa doli para mikrofonit ai nisi të fliste duke dhënë mesazhe nga Kurani, të përziera me pakënaqësinë për gjendjen e vendit.Dikush u përpoq që ta ndalonte të vijonte, por pas disa minutash rezistence dhe duke vijuar me fjalimin e tij, dukshëm i pakuptueshëm, drejtuesit e protestës janë dorëzuar.“Janë shpopulluar krejt, fëmijët tanë, Allahu është i madh. besoni në Allah…”, tha ai mes të tjerash, teksa e la podiumin për t’i lënë ligjëruesit të radhës.
