Manchester City ka pasur një sezon të vështirë, e kjo do të sjellë shumë angazhime gjatë meraktos së verës, veçanërisht sa i përket largimeve të futbollistëve që nuk bëjnë më pjesë në planet e trajnerit Pep Guardiola.
Tekniku katalanas po mendon që t bëjë një numër të madh largimesh këtë verë, pasi objektivi është që të freskohet ekipi pas një sezoni të vështirë. Një nga ata futbollistë që të ardhmen e kanë larg “Etihad Stadium”, është Kevin de Bryune, ndërsa për belgun ka interes nga klubet amerikano-jugore.
Nëse ideja e Guardiolës do të vihet në zbatim, atëherë skuadra e sezonit të ardhshëm do të duket totalisht ndryshe nga ajo aktuale. Sipas francezes Footmercato, Mançester Siti ka një listë me 10 futbollistë, të cilët synon t’i shesë. Përveç mesfushorit belg, vend nuk ka as për Ederson, Stones, Bernardo Silva, Doku. Ortega, Kovaçiç, Gundogan, Grealish dhe Mek Eti.
Dhe një nismë e tillë konsiderohet si mjaft e guximshme nga tifozët, të cilët befasohen që në listë janë edhe emra si Ston apo Doku.
Ky plan i Citysens po ndiqet me vëmendje edhe nga klubet e tjera, të interesuara për t’u përforcuar me disa prej titullarëve të skuadrës. Ndërkohë De Bryune njoftoi zyrtarisht largimin nga Citysens në fund të sezonit me një postim në rrjetet sociale.
“Ky qytet, ky klub, këta njerëz… më dhanë gjithçka. Nuk mund të bëja gjë tjetër veçse të ktheja gjithçka! Dhe e dini çfarë? Ne fituam gjithçka. Duam apo s’duam, ka ardhur koha të themi lamtumirë.”, ishin fjalët e mesfushorit belg.
