Rreth 80 studentë u nisën të enjten me biçikletat e tyre në një udhëtim disaditor drejt Strasburgut, me synimin për të tërhequr vëmendjen e Bashkimit Europian pë protestat e tyre disamujore.
Studentët kanë qenë një forcë kyçe pas një lëvizjeje mbarëkombëtare kundër korrupsionit dhe demonstratave pothuajse të përditshme në rrugë.
Protestuesit akuzojnë zyrtarët dhe korrupsionin qeveritar për vdekjen e 16 personave në shembjen e tendës së një stacioni treni në Novi Sad në nëntor. Ata kanë kërkuar përgjegjësi të plotë dhe drejtësi për viktimat, por edhe gjyqësor të pavarur pa ndikim politik. Studentët thonë se këto janë pikërisht vlerat që përfaqëson Bashkimi Europian dhe shprehin pritshmëritë e tyre që dikush të reagojë.
Mes qindra mbështetësve, studentët u nisën në udhëtimin e tyre me biçikleta nga kampusi i Universitetit të Novi Sadit.
Protestat në Serbi nuk janë ndalur dhe autoritetet janë detyruar të bëjnë disa lëshime, por deri tani i kanë rezistuar thirrjeve për të publikuar.
Serbia është një kandidate për t’u anëtarësuar në Bashkimin Evropian dhe Brukseli i ka kërkuar të ndërmarrë masa për promovimin e lirisë së medias, luftën kundër korrupsionit dhe reformimin e sistemit të saj zgjedhor.
Por disa nga demonstruesit mendojnë se Evropa nuk është treguar mjaftueshëm e ashpër ndaj autoriteteve në Beograd dhe kjo është ajo që duan të ndryshojnë studentët që u nisën drejt Brukselit.
