Pas një fillimi kaotik post tarifa ‘Trump’, tregjet e aksioneve në Evropë janë stabilizuar paksa – megjithatë ato ende po shfaqin rënie të madhe.
Në Londër, indeksi FTSE 100 ka rënë me 4.9% dhe aktualisht është 7,659.42 – që është pothuajse 400 pikë më poshtë për ditën.
Indeksi Dax i Gjermanisë ra me 10% në minutat e para të ditës, por tani ka rikuperuar disa pikë dhe ka rënë në 5.9%. Cac 40 i Francës ka rënë me 5.7%.
Aksionet e kompanive të mbrojtjes dhe bankave kanë pësuar disa nga rëniet më të mëdha deri tani këtë mëngjes në Evropë.
Në Gjermani, prodhuesi i tankeve Rheinmetall ka rënë pothuajse 24%, ndërsa në Mbretërinë e Bashkuar aksionet e Rolls-Royce ranë me 12%.
Aksionet e mbrojtjes kishin shënuar një rritje më herët këtë vit, për shkak të mundësive për shpenzime më të larta nga qeveritë evropiane.
Në mesin e bankave, aksionet e Barclays ranë me 8%, ndërsa NatËest ra me 7%. Në Gjermani, Commerzbank dhe Deutsche Bank ishin të dyja më poshtë me rreth 10%.
Nga ana tjetër e botës, indeksi kryesor ASX 200 i Australisë u mbyll në nivelin më të ulët që nga fundi i vitit 2023 – duke shtuar humbjet e shkaktuara nga njoftimi i tarifave të Donald Trump javën e kaluar.
Shtetet e Bashkuara imponuan tarifa 10% për mallrat australiane – që është më e ulët se sa shumë shtete të tjera, përfshirë BE-në dhe Kinën.
Ministri i Thesarit të Australisë, Jim Chalmers, tha: “Kur besimi shembet, tregjet përmbyten dhe kjo është ajo që kemi parë si pasojë e politikës së vetë-dëmtuese të tarifave të administratës amerikane.”
