Në mesin e marrdhënieve të tensionuara mes Washingtonit dhe Brukselit, Sekretari Amerikan i Shtetit Marco Rubio deklaroi këtë të enjte në nisje të samitit të NATO-s se Shtetet e Bashkuara do të vijojnë të jenë të angazhuara ndaj Aleancës Veri Atlantike. Kreu i Diplomacisë Amerikane deklaroi se Shtetet e Bashkuara nuk do të dalin nga Aleanca VeriAtlantike ndërsa shtoi se ajo çfarë Washingtoni kërkon është një NATO më e forte. Rubio tha se mediat po hiperbolizojnë kërkesat që Washingtoni po i bën perëndimit duke i quajtur ato “Braktisje” ndërsa insistoi në rritjen 5% të shpenzimeve të mbrojtjes nga çdo shtet anëtar i Aleancës Veri Atlantike.

“Ne duam një NATO më të forte. Dhe për ne e vetmja formë që të jemi të forte është që të kemi aleatë më të fottë me më shumë aftësi. Ne shkëmbejmë në cdo kohë me njëri tjetrin. Kemi një luftë në zemër të Europës, duhet të zgjohemi dhe të rrisim shpenzimet e mbrojtes në 5% . Nuk po iu kërkojmë ta bëni këtë në një apo dy vite, por angazhohuni në një objektiv të tillë. Edhe vetë ne, Shtetet e Bashkuara duhet të rrisim shpenzimet tona në mbrojtje. Kemi edhe ne përgjegjësinë tone. Përballë kërcënimeve aq të tmerrshme të gjithë duhet të jemi të aftë për tu përgjigjur. Presidenti Trump nuk është kundër NATO-s, ai kërkon thjesht një NATO të forte. Hiperbola dhe Histeria që shohim në Mediat Globale është e pajustifikuar.”

Pavarësisht deklaratave të bëra nga Sekretari Amerikan i Shtetit , Perëndimi dhe mbarë bota janë shqetësuar nga afrimiteti i presidentit Amerikan Donald Trump me Presidentitn Rus Vladimir Putin, duke e konsideruar këtë një sinjal për ndryshimin e marrdhënieve transatlantike.