Presidenti amerikan, Donald Trump ka ndarë disa komente në platformën e tij Truth Social, lidhur me vendosjen e tarifave.
Ai e krahasoi SHBA-në me një pacient, shkruan Sky News.
“Operacioni mbaroi! Pacienti jetoi dhe po shërohet. Prognoza është që pacienti do të jetë shumë më i fortë se kurrë më përpara. Ta bëjmë Amerikën të madhe përsëri”, shkroi Trump. Së fundmi, presidenti ka njoftuar tarifat e reja që do të kenë një ndikim të rëndësishëm global.
Bashkimi Evropian deklaroi se është “gati për një luftë tregtare” me SHBA-në dhe ka në plan të “sulmojë shërbimet online” në përgjigje të tarifave të reja.
Trump shpalli “Ditën e Çlirimit”, kur njoftoi tarifa të larta pothuajse në të gjithë botën, duke përfshirë 20% për importet nga Bashkimi Evropian.
