Vrasja e modeles 22-vjeçare Maria Jose Estupinan ka tronditur Kolumbinë. Ngjarja ndodhi rreth orës 13:00 më 15 maj, kur një burrë i maskuar si shpërndarës poste e thirri atë nga banesa e saj për t’i dorëzuar një pako të supozuar.
Kur Maria Jose doli jashtë, autori i panjohur e qëlloi për vdekje. Kamerat e sigurisë regjistruan britmat e saj si dhe momentin e arratisjes së autorit.
Sipas mediave lokale, krimi ndodhi vetëm një ditë pasi viktima kishte fituar një dëmshpërblim prej rreth 6,200 eurosh, si rezultat i një ankese për dhunë në familje kundër ish-partnerit të saj. Policia dyshon se këto dy ngjarje janë të ndërlidhura dhe ka kthyer vëmendjen tek ish-partneri, i cili është personi kryesor i dyshuar për vrasje.
