Barcelona bën një hap të madh përpara në transferimin e Nico Williams, pasi Fabrizio Romano konfirmon se klubi katalanas ka arritur një marrëveshje të plotë me sulmuesin spanjoll për kushtet personale.
Sipas marrëveshjes, kontrata do të jetë e vlefshme deri në qershor 2031, me një pagë neto prej rreth 7-8 milionë euro në sezon për lojtarin.
Ky sukses i madh vendos Barcelonën në një pozitë të fortë ndërsa tani fokusohet në finalizimin e marrëveshjes me Athletic Club.
Megjithëse ende ka punë në aspektin financiar me klubin e La Ligës, pjesa më e vështirë, bindja e lojtarit, është përmbushur.
Dëshira e Nico Williams për t’iu bashkuar Barcelonës ka luajtur një rol kyç në përshpejtimin e negociatave, ndërsa agjenti i tij ka pasur kontakte të rregullta me bordin e klubit që nga e premtja e kaluar, duke bërë të qartë se lojtari dëshiron të vishet me fanellën blaugrana sezonin e ardhshëm.
