Mesfushori holandez Tijjani Reijnders është shumë pranë transferimit te Manchester City, në një marrëveshje që pritet të përforcojë mesfushën e skuadrës së Pep Guardiolës.
Sipas burimeve nga eksperti i merkatos, Fabrizio Romano, është arritur një marrëveshje verbale mes palëve, ndërsa finalizimi i marrëveshjes është në fazat përfundimtare.
Oferta e Manchester City për transferimin e tij kap vlerën prej rreth 70 milionë eurosh, duke e bërë atë një nga mesfushorët më të shtrenjtë në merkato këtë verë.
Kushtet personale mes klubit dhe futbollistit janë nënshkruar që prej disa ditësh, ndërsa tani mbeten vetëm hapat formalë për të mbyllur zyrtarisht transferimin dhe prezantimin e tij me “Qytetarët”.
Ky përforcim pritet të shtojë thellësinë dhe cilësinë në mesfushën e Manchester City, duke i dhënë trajnerit Pep Guardiola më shumë mundësi për të menaxhuar skuadrën në sezonin e ardhshëm.
