Rama: Do ta adresojmë problematikën e sigurimit të ndërtimeve, sigurim në funksion të marrëveshjes me shtetin si dhe me blerësit. Historia e të drejtës për të zhvilluar me të cilën është abuzuar në të gjitha format duhet të adresohet.
Nga ana tjetër do të marrim një tjetër masë për të konfiskuar në interes të publikut të gjitha ndërtesat e braktisura. Përfundimisht do të sqarojmë edhe aspektin me të cilin kanë luajtur shumë njerëz të sistemit të drejtësisë, kur vjen puna tek shkelja e lejeve të ndërtimit, me mbi 2% të kufijve të lejes.
Shkelja në ndërtim dhe ndërtimi i kateve shtesë me qëllim fitimi, është shkelje në vazhdim. Këto do sekuestrohen të gjitha nga shteti, duke mbrojtur blerësin, në rast se ka blerës dhe nga ana tjetër do të përdorë pjesën tjetër për interes publik dhe për strehim të njerëzve në nevojë.
