Kreu i qeverisë Edi Rama ishte këtë pasdite në një mbledhje të gjatë më dyer të mbyllura me ministrat dhe drejtuesit e bashkisë së Tiranës.
Mbledhja ka zgjatur disa orë, ndërsa kreu i qeverisë pati edhe një komunikim më herët me mediat, ku paralajmëroi reformë të re territoriale. Ai u ndal edhe te lirimi i zonave publike që janë ‘bllokuar’ nga bizneset me qëllim përfitimi.
Po ashtu në një postim të bërë në Facebook pasditen e kësaj të hënë njoftoi se në bashkëpunim me Institutin Tony Blair është konceptuar një strukturë e re organizative e Bashkisë Tiranë, e cila do të adoptohet edhe në bashki të tjera, për të forcuar shtyllat bazë të mirëqeverisjes vendore.
