Një ngjarje tragjike ndodhi këtë të premte në mëngjes në Los Angeles, ku të paktën tre persona humbën jetën si pasojë e një shpërthimi të fuqishëm në një qendër trajnimi të policisë.
Shpërthimi ndodhi në Eugene Biscailuz Center Academy Training, vetëm pak kilometra larg qendrës së qytetit Los Angeles.
Prokurorja e Përgjithshme e SHBA-së, Pam Bondi, reagoi në rrjetet sociale duke e quajtur incidentin një ngjarje të tmerrshme, ndërsa u bëri thirrje qytetarëve të luten për familjet e viktimave, që besohet të jenë pjesëtarë të forcave të rendit.
Ndërkohë, Guvernatori i Kalifornisë, Gavin Newsom, po ndjek nga afër zhvillimet, raporton NBC News. Ekipet e emergjencës dhe agjentë federalë ndodhen në vendngjarje, ku hetimet vijojnë, ndërsa komuniteti lokal është tronditur nga kjo ngjarje e rëndë.
