Që nga 21 korriku, Tesla Diner, restoranti i parë i markës amerikane dhe manjatit të zgjuar është bërë realitet.
Hapësira luksoze e ngrënies u hap në Santa Monica Boulevard në Los Angeles dhe, siç shkruan Elon Musk, synon të jetë një “ishull ushqimi të mirë, argëtimi dhe karikimi”.
Kjo është një ide që miliarderi amerikan e ka pasur që nga viti 2018, por vetëm në vitin 2023 ai filloi ta vinte në rrugën e duhur, me Tesla Diner- in e parë që zëvendësoi picerinë që ekzistonte atje, në Rrugën historike 66.
Hapësira është dykatëshe dhe sipërfaqja e saj është afërsisht 9,300 m². Kati përdhes zë 3,800 m², ndërsa tarraca në katin e dytë është 5,500 m² dhe ofron pamje të jashtme dhe shërbime bari. Biznesi përfshin shërbime të ushqimit të shpejtë, 80 lokacione Supercharger dhe çati fotovoltaike, ndërsa për argëtimin e klientëve ka një kinema “drive-in” me dy ekrane gjigante 20 metra.
Tesla Diner operon 24/7, duke ofruar ushqim të shpejtë klasik amerikan, si hamburgerë, hot dogë, krahë pule, milkshake etj., të paketuara në një paketim Cybertruck. Kuzhina mbikëqyret nga shefi i kuzhinës Eric Greenspan në bashkëpunim me Bill Chait. Vizitorët kanë mundësinë të shikojnë filma ose nga zona e jashtme në katin e dytë, ose nga brenda makinës së tyre, nëpërmjet aplikacionit Tesla Diner. Brenda restorantit ka produkte Tesla dhe robotin Optimus që vepron si kamerier dhe shpërndan kokoshka.
Sipas Teslës, instalimi i restorantit është stacioni më i madh urban i superkarikuesve në botë!
Karikuesit janë të pajtueshëm me të gjitha automjetet elektrike që mbështesin Standardin e Karikimit të Amerikës së Veriut (NACS), kështu që ato mund të shërbejnë edhe për automjete elektrike jo-Tesla.
Tesla Diner është aktualisht një program pilot për markën amerikane dhe Elon Musk. Në ditët e para të funksionimit, është përballur me probleme, me klientët që raportojnë radhë të gjata, shërbim të dobët, ushqim mediokër me mungesë opsionesh dhe orare të çrregullta shërbimi. Tesla ka plane të hapë më shumë restorante Diner në të ardhmen, fillimisht në SHBA dhe më pas në qytete të tjera të mëdha anembanë botës. Megjithatë, sipërmarrja së pari duhet të ketë sukses. Elon Musk, megjithatë, e përshkruan atë si “vendin më të mirë në Los Angeles”.
