Presidenti serb, Aleksander Vuçiç, ka deklaruar se është i gatshëm të ballfaqohet në dialog televiziv me përfaqësues të protestuesve duke bërë thirrje që palët të kthehen në dialog.
“Serbia duhet të zgjidhë çështjet e veta përmes dialogut demokratik, jo dhunës. Ftoj përfaqësues të bllokuesve të diskutojmë publikisht për vizionet tona planet dhe prorgramet e së ardhmes”
Kërkesa e Vuçiç është hedhur poshtë nga përfaqësues të protestuesve dh studentëve që përmses një postimi në “X” kanë deklaruar
“Ne do të debatojmë vizionet tona dhe programet për të ardhmen gjatë fushatës zgjedhore, kur ai të thërrasë zgjedhjet”
Ulja e toneve vjen ndërkohë që në Beograd ndodhen përfaqësues të OSBE-së për të hetuar sulmet ndaj gazetarëve dhe kur Komisoneri i Lartë i OKB-së për të Drejtat e Njeriut, Volker Turk, ka bërë thirrje për zgjidhje paqësore të krizës, një qëndrim ky që konfirmon tashmë se Serbia është problem ndërkombëtar.
