Një letër e dyshuar ditëlindjeje që i atribuohet Presidentit amerikan Donald Trump për financierin famëkeq Jeffrey Epstein ka ndezur debat të ri në Uashington, me disa përfaqësues republikanë që hedhin dyshime mbi vlefshmërinë e firmës në dokument.
Letra, e zbuluar si pjesë e një albumi ditëlindjeje të vitit 2003, përmban një skicë të një gruaje gjysmë të zhveshur dhe një urim të shkruar me dorë që përfundon me nënshkrimin “Donald” nënshkrim që ngjason me stilin karakteristik të Trump.
Por për disa republikanë, përfshirë përfaqësuesin e Tenesit, Tim Burchett, shënimi nuk është gjë tjetër veçse një “falsifikim i lehtë për t’u bërë”.
“Dua të them, kushdo mund të bëjë një nënshkrim. Kemi parë që hapësit automatikë të përdoren mjaft shpesh… me administratën Biden,” tha Burchett për gazetarët jashtë Kapitolit.
“Trump nuk është artist. Nuk e besoj këtë vizatim”, thanë përfaqësues republikanë dhe stafi i Shtëpisë së Bardhë, të cilët vunë në pikëpyetje origjinalitetin.
Një tjetër element që ka shtuar skepticizmin është skica në letër, një figurë femërore që i referohet si “një grua e re e vizatuar në mënyrë provokative”. Burchett tha se nuk e njeh Trumpin si ndonjë “artist të madh” dhe për këtë arsye e sheh si të dyshimtë gjithë mesazhin.
Nga ana tjetër, Taylor Budoëich, zëvendësshefi i stafit të Shtëpisë së Bardhë, tha se publikimi i letrës ndihmon çështjen ligjore të Trump sepse, sipas tij, “nuk është firma e tij”. Ai postoi në platformën X katër shembuj të nënshkrimit të Trump nga burime publike, duke treguar se në të gjitha përdorej emri i plotë dhe jo vetëm “Donald”.
Por dokumentet e vjetra tregojnë të kundërtën, firma të ngjashme me atë të shënimit ekzistojnë që nga vitet ’80
Pavarësisht këtyre deklaratave mbrojtëse, ka shumë shembuj të mëparshëm të nënshkrimit të Trump që përputhen me atë në shënimin për Epstein.
Avokati George Conëay, një ish-mbështetës i Trump i kthyer në kritik të ashpër, publikoi një letër falënderimi nga viti 2006 me një nënshkrim pothuaj identik me atë të tanishmin.
Po ashtu, një letër e Trump nga viti 1999 drejtuar Larry King dhe bashkëshortes së tij është aktualisht e listuar në një faqe ankandi — me një firmë shumë të ngjashme. Madje edhe më herët, në një letër të vitit 1984, Trump nënshkruante vetëm me emrin e tij të parë, “Donald”, sipas një artikulli të botuar nga The Neë York Times në vitin 2016.
Presidenti Trump ka refuzuar të komentojë personalisht për letrën, duke e cilësuar të gjithë temën si një “çështje të vdekur”, ndërsa zëdhënësit dhe aleatët politikë kanë marrë rolin e mbrojtësve publikë.
