Drejtuesi i SPAK, Altin Dumani, u takua sot në Podgoricë me Kryeprokurorin Special të Malit të Zi, Vladimir Novović.
Lajmi është konfirmuar vetë nga Prokuroria e Posaçme, përmes një postimi në rrjetet sociale, ku janë ndarë dhe foto nga takimi.
Gjatë takimit u vlerësua bashkëpunimi i shkëlqyer mes dy institucioneve në luftën kundër krimit të organizuar transnacional, me theks të veçantë në zbulimin dhe ndjekjen penale të autorëve të trafikut të lëndëve narkotike, në të dy vendet, shkruan SPAK.
