Sulmuesi shqiptar Mirlind Daku po shkëlqen këtë sezon me Rubin Kazan në ligën ruse, duke shënuar 8 gola në 10 ndeshje dhe duke u renditur në mesin e golashënuesve më të mirë në Evropë.
Forma e tij e lartë ka tërhequr vëmendjen e klubeve të mëdha dhe po bën që emri i tij të përmendet gjithnjë e më shpesh në tregun ndërkombëtar. Daku po kombinon forcën fizike, shpejtësinë dhe teknikën, duke qenë një kërcënim i vazhdueshëm në zonën kundërshtare dhe duke kontribuar gjithashtu me asistime për shokët e skuadrës.
Në listën e golashënuesve kryesorë të këtij sezoni ai qëndron krah emrave të mëdhenj si Harry Kane (Bayern Munich, 10 gola në 5 ndeshje), Erling Haaland (Manchester City, 8 gola në 6 ndeshje), Kylian Mbappe (Real Madrid, 8 gola në 7 ndeshje), Aleksey Batrakov (Lokomotiv Moskë, 8 gola në 10 ndeshje), Julian Alvarez (Atletico Madrid, 6 gola në 7 ndeshje), Ayase Ueda (Feyenoord, 6 gola në 7 ndeshje), Maksim Glushenkov (Zenit, 6 gola në 8 ndeshje), Petar Ratkov (Red Bull Salzburg, 6 gola në 8 ndeshje), Brynjolfur Willumsson (Groningen, 5 gola në 4 ndeshje).
Me këtë ritëm, Daku ka potencialin të bëjë një hap të madh në karrierën e tij, duke kaluar në një nga ligat më të larta evropiane dhe duke forcuar më tej pozicionin e tij si një nga sulmuesit më befasues që di të jetë.
