Sali Berisha ia del të përçajë edhe ata pak demokratë të mbetur të Vlorës. Këshilltari bashkiak i PD, Gjergj Nika ka shpallur kandidaturën për Bashkinë, pasi nuk bie dakord me mbështetjën që Berisha i dha një tjetër të pavaruri pa asnjë lidhje me PD, Dionis Sotës.
“Prej vitesh, demokratët në Vlorë janë tallur e nëpërkëmbur me kandidatë të imponuar, që nuk kanë asnjë lidhje me Partinë Demokratike .Sot kandidoj sepse nuk dua ta shoh më qytetin tim pa zë dhe demokratët pa dinjitet. Kandidoj, sepse nuk dëshiroj që PD të zhbëhet nga individë groteskë!”
Kështu, opozita del me dy kandidatë të pavarur në Vlorë. I pari, Dionis Sota. Në CV e tij, ai vetë sqaron se në 2013 ka qenë mbështetës i PS, ndërsa së fundmi bashkëpunëtor I ish kryebashkiakut Ermal Dredha. Nga ana tjetër, Gjergji Nika. Demokrat por në zgjedhjet e fundit tradhëtoi Berishën për të kandidatuar me Koalicionin Euroatlantik të Lulzim Bashës. Përballë kanë Brunilda Mersinin, kandidaten, me të cilën socialistët do të tentojnë të rimarin sërish bashkinë e Vlorës.
