Një plan përfundimtar paqeje duhet ta bëjë të pamundur që Rusia të pushtojë sërish, thotë shefja e politikës së jashtme të Bashkimit Evropian Kaja Kallas.
“Nëse duam ta përfundojmë këtë përgjithmonë, me të vërtetë duhet të kemi lëshime nga ana e Rusisë.”, tha ajo në programin Today të BBC Radio 4.
Kjo qasje do t’i kërkonte Rusisë të respektojë marrëveshjet ndërkombëtare dhe të zvogëlojë ushtrinë e saj, thotë Kallas. “Nuk mund të kesh thjesht një situatë ku pushton një vend tjetër dhe nuk ka asnjë llogaridhënie.”
Sa i përket rikthimit të Rusisë në G8, Kallas thotë se kjo “definitivisht nuk” duhet të ndodhë.
“Ne nuk mund të kthehemi në normalitet, si mund ta imagjinojmë këtë?” tha ajo në program.
Shefja e politikës së jashtme, ndërsa vlerëson “kauzën fisnike” të presidentit amerikan Donald Trump për arritjen e paqes në Ukrainë, vuri në dukje gjithashtu se duhet të pyesim se çfarë “me të vërtetë sjell paqe” në vend.
