Sulmuesi shqiptar, Rei Manaj pritet të jetë blerja më e re e klubit të Barcelonës. Marrëveshja është arritur dhe pritet që nesër ose pasnesër të vijë në Katalonjë dhe të kryejë testet mjekësore.
Ai do të luajë në Segunda Divizion me Barcelona B. 22-vjeçari nuk mund të jetë gati këtë të mërkurë në sfidën ndaj Badalona, por pritet që të bëjë debutimin në fundjavë. Teksa transferimi duket i mbyllur, tani priten vetëm detajet nëse Barcelona e ka blerë kartonin e shqiptarit apo është një huazim me të drejtë blerje.
