Ministri i Turizmit dhe Mjedisit, Blendi Klosi i cili po merr pjesë në Panairin Ndërkombëtar të Turizmit në Madrid pati rastin të takoj Kryefamiljarin e Familjes Galdon, familjes spanjolle që pësoi incidentin në Himarë. Pavarësisht incidentit të ndodhur familja Galdon do të kthehet në Shqipëri me pershtypje të jashtëzakonshme për Shqipërinë. Këtë herë për të ndihmuar Shqipërinë nga goditja e tërmetit. Përmes Kryqit të Kuq spanjoll, familja Galdon do të rindërtojë një shkollë. Djemtë e familjes Galdon, do të jenë vetë prezent në Shqipëri. “Me Z. Galdon ndamë disa mendime se si ne në Shqipëri do të kemi shumë nevoj që të shërbejmë si një shoqëri që i shërben turizmit, ne kemi nevojë që të krijojmë njerëz të edukuar njerëz që dinë të shërbejnë dhe po ashtu të krijojmë disa standarte të cilat do të hapin më shumë Shqipërinë për këto biznese. Me familjen Golden padyshim është një kënaqësin që të bisedosh gjithmonë dhe fal tashmë njohjes që ata kanë me Shqipërinë nga buxheti i familjes së tryre nëpërmjet Kryqit të Kuq Spanjoll ata do të ndërtojnë një shkollë nga shkollat e dëmtuara në Shqipëri gjatë tërmetit të vitit të fundit jo vetëm duke kontribuar me para, por dhe më e mira do të jenë vet në Tiranë për të ndihmuar gjatë punimeve që do të bëjnë në shkollën e re që do të ndërtohet në zonën e prekur nga tërmeti”. Ndërkohë Zoti Galdon u shpreh shumë i impresionuar për mënyrën se si në një kohë të shpejtë u strehuan familjet e dëmtuara nga tërmeti i 26 Nëntorit dhe mendon të bëhet pjesë e këtij solidariteti. “Unë do të ndërtoj një shkollë të zonës së dëmtuar nga tërmeti. Ka shumë mënyra të ndryshme se ju mund të kontribuoni për vendin tuaj. Shqipëria është një atraksion i vërtet dhe ne kemi ndërmend të kthehemi shumë shpejt me anijet tona dhe të vizitojmë vendin tuaj të bukur”, premtoi Z. Goldon. Familja Goldon në muajin gusht të vitit të kaluar ishte me pushime në Shqipëri dhe duke qenë se nuk ju pëlqeu shërbimi në një nga hotelet afër Porto Palermos ata u cuan për të ikur, por pronari i lokalit i ndoqi duke u hedhur në makinën e tyre dhe duke i kanosur me mjete të forta. Ministri Klosi për të treguar se kjo ngjarje ishte vetëm një incident, por nuk është “fytyra” e turizmit shqiptar si dhe për t’i ndenjur afër në ato momente të vështira i takoi vet turistët spanjoll.
