Organizata Botërore e Shëndetësisë, u njoftua më 31 dhjetor 2019, për disa raste të pneumonisë në qytetin Wuhan, Provinca Hubei të Kinës. Virusi nuk përputhej me ndonjë virus tjetër të njohur. Kjo ngriti shqetësimin sepse kur një virus është i ri, nuk dihet se si i prek njerëzit. Një javë më vonë, më 7 Janar, autoritetet kineze konfirmuan se ata kishin identifikuar një virus të ri. Virusi i ri është një koronavirus, i cili është një familje e viruseve që përfshijnë të ftohtin e zakonshëm dhe viruse të tilla si SARS-CoV dhe MERS CoV. Ky virus i ri u emërua përkohësisht “2019-nCoV”. OBSH ka punuar me autoritetet kineze dhe ekspertë globalë për të mësuar më shumë rreth virusit, si ndikon tek njerëzit që janë të sëmurë me të, si mund të mjekohen dhe çfarë vendet mund të bëjnë për t’u përgjigjur.
Hetimet janë duke vazhduar për të vlerësuar burimin e shpërthimit, mënyrën e transmetimit dhe shtrirjen e infeksionit. Provat e disponueshme mbi virusin 2019-nCoV dhe përvoja e mëparshme me koronavirus të tjerë (SARS-CoV dhe MERS-CoV) dhe viruse të tjera të frymëmarrjes (psh, gripi i shpendëve) sugjerojnë që mund të ketë një transmetim zoonotik të shoqëruar me 2019-nCoV. Për këtë arsye, OBSH ka publikuar rekomandime për të zvogëluar rrezikun e transmetimit të patogjenëve që shfaqen nga kafshët te njerëzit në tregjet e kafshëve të gjalla. OBSH ka dhënë këshilla për njerëzit se si të mbrojnë veten dhe ata përreth tyre nga marrja e sëmundjes, gjithashtu edhe rekomandime për publikun e gjerë për të zvogëluar ekspozimin dhe transmetimin e një sërë sëmundjesh, të cilat përfshijnë higjenën e duarve, frymëmarrjes dhe praktikat e sigurta të ushqimit.
Autoriteti Kombëtar i Ushqimit, ka publikuar të ilustruara disa nga rekomandimet e OBSH mbi praktika të sigurta për ushqimet që janë: Përdorni thika dhe banake prerjesh të ndryshëm për mish të pagatuar dhe ushqimeve të gatuara. Lani duart përpara trajtimit dhe përgatitjes së ushqimeve të përgatitur dhe atij të gatuar. Edhe në zona që po përjetojnë epideminë, produktet e mishit mund të përdoren të sigurta nëse këto artikuj mund të konsumohen të gatuar ose të përgatitur siç duhet. Mos hani ushqim nga kafshët e sëmura apo kafshë që kanë ngordhur.
