Toyota hulumton dhe teston robotikën, shkencën e materialeve, drejtimin e automatizuar dhe teknologjinë e karburantit alternativ në laboratorët e saj në të gjithë botën. Tani prodhuesi i makinave është duke provuar një projekt të ri dhe shumë më ambicioz: të ndërtojë një qytet prototip në një vend prej 175 hektarësh rrëzë malit Fugi në Japoni, ku njerëzit do të jetojnë dhe punojnë në mesin e të gjitha projekteve të Toyota, duke përfshirë makinat e saj autonome, anijet dhe robotët.
Ky nuk do të jetë një tjetër eksperiment, tha Presidenti i Korpusit të Toyota Motor Akio Toyoda të hënën gjatë një konference për shtyp përpara CES 2020. Ndërtimi në fazën e parë të qytetit – i cili do të hartohet nga arkitekti i mirënjohur danez Bjarke Ingels – do të fillojë në vitin 2021. Firma e tij, Ingels Group (BIG) ka hartuar projekte të profileve të larta si 2 Qendra Botërore e Tregtisë në Neë York, Shtëpia Lego në Danimarkë dhe Mountain Vieë, selia e Google. Gjithashtu arkitekti danez është përfolur edhe për projektin e Teatrit Kombëtar, që studioja e tij projektoi në Shqipëri.
Ky është një projekt me shumë pasion nga ana e Toyotës, thanë disa drejtues pas konferencës për shtyp. Dhe ishte e dukshme në skenë. “Imagjinoni një vend plotësisht të kontrolluar, i cili do t’i lejojë studiuesit, inxhinierët dhe shkencëtarët mundësinë të testojnë lirshëm teknologjinë e mjeteve autonome, robotikën, teknologji inteligjente të lidhur me shtëpinë, Inteligjencën Artificiale dhe më shumë, në një mjedis të botës reale , ” tha Toyota.
I ashtuquajturi “Qyteti Ëoven” do të jetë një ekosistem i lidhur plotësisht i mundësuar nga qelizat e karburantit të hidrogjenit, sipas Toyota. Shtëpitë do të jenë të pajisura me teknologji mbështetëse për njerëzit, të tilla si robotika për të ndihmuar në jetën e përditshme. Inteligjenca Artificiale bazuar në sensorë do të shpërndahet tek të gjithë për të qenë në gjendje të kontrollojë shëndetin e banorëve dhe të kujdeset për nevojat e tyre themelore.
Detajet e pathëna, natyrisht, ishte gjithçka që lidheshin me qasjen në të dhëna, intimitetin ose marrëveshjen për mos-zbulimin që banorët do të duhet të nënshkruanin përpara se të binin dakord për të jetuar në qytetin e ndërmarrjes së Toyota. Toyota tashmë zotëron tokën ku po propozon të ndërtojë, por zgjedhja e një popullate ndërsa zbaton rregullat lokale të banimit, padyshim që do të jetë e ndërlikuar dhe jo domosdoshmërisht diçka që kompania do të ishte e përshtatshme për ta bërë.
