Futbolli është një xhungël e madhe ku mbijeton më i forti. Fati luan një rol kryesor në këtë fushë, megjithatë ka dhe prej atyre lojtarëve që ishin të detyruar të ecnin në këtë rrugë duke mos patur asnjë alternativë tjetër. Sinonimi i duhur i një situate të tillë është Mamadou Sakho.Ai ka rrëfyer vuajtjet e tij që në fëmijëri. “Kam humbur babain kur isha 13 vjeç. U bëra shpejt burrë. Për mua nuk ishte një opsion të luaja futboll, për mua ishte një detyrim.
“Nëse dikush më pyet nëse ishte e vështirë të isha kapiten i PSG 17 vjeç, për mua më e vështira ishte të bëhesha kapiten i familjes sime në moshën 13-vjeçare”, – tha ish-lojtari i Liverpoolit. Mbrojtësi 30-vjeçar luan momentalisht për Crystal Palace.
