Borussia Dortmund e ka rritur çmimin e kartonit të Jadon Sancho në 120 milionë stërlina, sipas “Don Balon”. Manchester United dhe Chelsea mendohet se po e ndjekin 19-vjeçarin e talentuar anglez, por verdhezinjtë e Bundesligës nuk kanë ndërmend ta lëshojnë, nëse nuk përmbushet kjo kërkesë financiare e tyre gjatë merkatos së verës. Barcelona, gjithashtu, thuhet se është e interesuar për yllin anglez, i cili ka shënuar 12 gola dhe ka dhënë 13 asiste te Dortmundi, në kampionatin gjerman, këtë sezon.
