Nicola Legrottaglie është tani trajner i Pescara. Gjatë një interviste për “Il Centro”, ai foli për shumë çështje, përfshirë tema nga e kaluara e tij si futbollist. Siç është shoku më i fortë i skuadrës, me të cilin luajti: Zlatan Ibrahimovic: “Lojtari më i fortë, me të cilin kam luajtur, është Ibrahimovic. Më i forti nga të gjithë. Një herë, kur ishim te Juve, ai më tha: Ibra ju bën të fitoni titullin, jo Jezusi. Ai gjithmonë ishte gati të shënonte”.
Nicola Legrottaglie luajti për Juventusin. Trajneri aktual i Pescara shpjegon arsyen e shpirtit fitues të bardhezinjve: “Juventusi lë shenjë në karrierën tuaj. Edhe nëse nuk e vini re, ai mjedis ju shënjon në mënyrë pozitive. Ju kultivoheni me mentalitet fitues atje. Vlen vetëm sakrifica dhe puna. Kur shkoni në klube të tjera, ju e kuptoni pse bota e Juventusit është krejt ndryshe”.
