Dëshira e Stefano Piolit nuk është realizuar ende plotësisht. “Ibrahimovic, gjithashtu, pati lodhje në fillim të javës, por ishte gripi që nuk e lejoi atë të luante kundër Verona, – shpjegoi trajneri kuqezi të dielën, pas ndeshjes. – Shpresoj ta kem në dispozicion të martën”. Pritshmëritë e trajnerit, që nga dje, kanë nisur të përmbushen. Zlatan punoi në palestër gjatë gjithë kohës. Java e derbit fillon me mungesën, që bën më shumë zhurmë. Ibra nuk është stërvitur dje në fushë me pjesën tjetër të skuadrës. Një zile e parë alarmi? Jo, saktësisht. Zgjedhja për të mos u bashkuar me grupin u mor në orët e mëparshme, edhe nga era e ftohtë që pushtoi dje Milanon, si një nga shkaqet e paparashikueshme.
Zlatan e filloi dhe e mbaroi trajnimin e tij “të brendshëm” në shoqërinë e të prekurve të tjerë nga gripi; Kjaer dhe Conti. Për lodhjen e muskujve, klubi e minimizon rrezikun: diçka e thjeshtë për shkak të 55 minutave të luajtura kundër Torinos, të martën e kaluar. Në të njëjtën kohë, askush nuk siguron që Ibra do të jetë në dispozicion të trajnerit këtë të mërkurë, në seancën e dytë të javës. Pra, edhe nëse jemi të sigurt se do të ketë një gjendje të shkëlqyeshme atletike, Zlatan do të stërvitej vetëm tri seanca me grupin. Për të, ato janë më se të mjaftueshme.
Në fakt, alarmi nuk ka ikur dhe ka shumë të ngjarë që vetë Ibra ta largojë atë përfundimisht. Ai kurrë nuk do të hiqte dorë nga derbi. Ishin dy golat ndaj Interit (në humbjen 4-2), me të cilët e përshëndeti Milanin më 6 maj 2012, në ndeshjen e parafundit të përvojës së parë të tij te kuqezinjtë. Gati tetë vite më vonë, Milani e gjeti veten të varur njësoj nga suedezi, paradoksalisht më shumë se dje. Numrat, të cilët nuk gënjejnë, janë dëshmia përfundimtare e aftësisë së tij për të ndikuar. Dëshmia e ofruar nga Rebic dhe Leao, të çorientuar si duet pa suedezin në fushë, është kundër-prova.
Zlatan do të jetë aty dhe fakti që në rrjetet sociale ai merret me parfume dhe hipur mbi kalë është një tjetër aspekt, që i ngushëllon fansat. Ai nuk është absolutisht i shqetësuar për mungesën në derbi. Tifozët “udhëtojnë” me të njëjtën shpejtësi drejt mbrëmjes së të dielës në “San Siro”. Ata nuk kanë frikë, janë më optimistë se zakonisht për triumfin, sepse Zlatan do të jetë në fushë. Numrat mbështesin përsëri tezën: derbi i fundit i Serie A, që fitoi Milani, si mysafir i Interit, është ai i 14 nëntorit 2010, me rezultatin 1-0, me një penallti të kuqezinjve, të shënuar pas pesë minutash; e nënshkruar nga Ibra.
