Në datën 26 janar legjenda e basketbollit, Kobi Brajant humbi jetën në një aksident me helikopter, në bordin e të cilit ndodhej edhe vajza e tij dhe disa kolegë e miq. Së fundmi janë publikuar transkriptet audio që kanë zbuluar sesi banorët e lagjes telefonuan për të raportuar aksidentin. Sipas tyre një helikopter u zhduk nga qielli dhe përfundoi në tokë me një shpërthim të frikshëm.
“Dëgjova një helikopter. Ne nuk mund ta shihnim, por vetëm dëgjuam një bum dhe një tingull përplasjeje. Mund t’i shoh flakët”, tha një person sipas audios së marrë nga ABC 15 Arizona. “Unë vetëm dëgjova një helikopter që kaloi mbi mua. Ai shkoi mbi kokën time dhe pastaj dëgjova një bum dhe menjëherë u ndal”, tha një person tjetër.
