COVID-19, më pak se 10% e të vdekurve në Itali nën 60 vjeç, mesatarja e të infektuarve 63 vjeç

ITALI

Mosha mesatare e të infektuarve në Itali është 63 vjeç. Ndërsa mosha e vdekshmërisë së personave nën 60 vjeç është më pak se 10% ndërsa pjesa tjetër është 60 vjeç e lart.

Lajmi u bë i ditur nga Roberto Bernabei, profesor në Universitetin Katolik të Romës në konferencën e mbajtur ditën e premt, ku u bë i ditur edhe numri i të vdekurve me COVID-19 për 24 orët e fundit.

Në konferencën për shtyp të ditës së sotme pak minuta më parë, kreu i Mbrojtjes Civile, Borrelli njoftoi se numri i viktimave në 24 orët e fundit është rritur me 627 duke shkuar në 4032 numri i të vdekurve një shifër rekord që të fut frikën.