Para disa kohësh futbollisti i Real Madritit, Vinicius Jr, u komentua shumë në media për shkak të mesazheve që i dërgonte reperes shqiptare, Taynës. Ai filloi ta ndjekë në Instagram dhe i kërkoi të mbante shfaqje në Brazil. E ftuar në “Shiko kush luan” para pak kohësh, Tayna tregoi në publik bisedat me futbollistin duke treguar se ajo i kishte shkruajtur e para:
“Gjuajtje të mira”, dhe u shpreh se janë thjesht shokë. Së fundmi reperja i ka komentuar Viniciusit edhe në një foto të publikuar së fundmi. Ai ka postuar në llogarinë e tij të Instagramit një foto pas përfundimit të “El Clasicos”, ku Real Madriti mundi Barcelonën me rezultat 2:0. Mes shumë komentesh vihet re dhe komenti i Taynës, e cila i ka dërguar një emoji.
