Të premten, më datë 13 mars do të vijë kënga më e re e Rita Orës. Këngëtarja me origjinë shqiptare ka laj mëruar prej ditësh për projektin e ri që pritet të kthehet shumë shpejt në hit. “How To Be Lonely” titullohet kënga e re e cila do të publikohet pas 8 muajsh pauzë nga projekti i fundit i këngëtares.
Por në një njoftim të fundit, Rita ka treguar se kënga ka qenë e krijuar fillimisht për Lewis Capaldi-n. Këngëtari e kishte shkruar për vete, por ja që nuk i kishte pëlqyer mënyra se si e kishte kënduar. “How to be lonely” pritet të japë një këndvështrim të asaj sesi mund të jetë albumi i këngëtares. Ndërkohë, Capaldi po ecën në gjurmët e Ed Sheeran, pasi po shkruan këngë për artistë të tjerë të famshëm, ashtu siç Ed bëri për Justin Bieber, Little Mix, Robbie Williams and One Direction.
