Nga Edmond Arizaj
Nuk e kam me nje emer ne vecanti. Por me shume. Vetperfshire. Burrat e shtetit, udheheqesit, spikasin ne kriza, ne ato te rendat. Dallohen per ate qe bejne per vendin e tyre, apo per ate qe thone per vendin e tyre. Si ne krizen e termetit, si ne kete te pandemise, Rama i ka bere dhe madje tejkaluar detyrat e tij. Perzgjedhja e atyre pak fjaleve ne dergimin e 30 mjekeve tane ne Itali, keto dite kane qene burim krenarie per qindra mijera shqiptare, sidomos ne Itali. Por mos te harrojme se neser mund te jene akoma me shume. Me pak fjale, Rama mund t’i kete siguruar Shqiperise nje studio avokatie ne Bashkimin Europian, ne vend te nje, apo dy avokateve. Duke lene menjane Kuben e larget, xhestin e ndihmes me mjeke e beri dhe Polonia, por fjalet e zgjedhura ishin krejt te varfra, si katoliku katolikut, jo si europiani europianit. Propagande? Dakort, Rama ben gjith ç’mundet, perdor cdo mjet te ndikoje dhe fitoje psikologjine dhe sjelljen e mases. Por kur kjo nuk i sherben vetem atij dhe ndjekesve te tij, por i sherben edhe vendit e njerezve, nuk besoj se jemi vetem brenda kufijve te propagandes. Manipulues? Dakort, brenda Shqiperise perdor mediat, varferine, pushtetin, parane, e na hedh hi syve e na mashtron, po atje matane, ne ato shtetet qe jane te rrahura me vaj e uthull, te pjella nga ujkonja e gjarperinj, si valle i manipulon?! Nese nga komunikimet e Rames, vijne komente emocionuese dedikuar intelektit te shqiptareve, me falni po kjo s’ka lidhje me nje manipulator. (Te tille fare mire mund te quaje protagonizmin e lali Erit ne keto dite). Egoist? Narcizist? Kush nder shekuj nuk e ka dashur shkelqimin personal dhe gjurmen e tij ne histori.
Une kam nje dyzim te tmerrshem per Ramen. Shpirterisht nuk kam asnje kimi ndaj politikes dhe sjelljes se tij, dhe jo ne vite te vecanta, apo periodikisht. Eshte nena e mire me te pergjithshmin, por njerka e keqe me te pervecmin. Por ama logjika me sjell ne nje dimension krejt tjeter. Ne nje peshore imagjinare, le te veme perfitimet e Rames dhe perfitimet e Shqiperise ne keto gjashte muajt e fundit, nisur nga fjalet dhe veprimet e kryeministrit. Nga do anonte ajo?
Nga zeniti qe eshte keto dite, Rama mund te arrije ne nadir vetem nese koronavirusi kolapson vendin. Shpresoj qe askush mos ta uroje kete, qofte edhe me vete. Natyrisht eshte edhe ajo pjesa; jemi pa buke, s’ka ndihme, ne s’kemi per vete, c’na duhet imazhi kur kemi barkun bosh…Ka nje rrefenje, se kur Isa Boletini po nisej per Vlore per shpalljen e pavaresise, (e gjeni edhe tek “Nentori i dyte), i thone: Po e le Kosoven ne dore te serbit. Dhe ai u pergjigj: Po shkoj te marr gjithe Shqiperine. Pra permbylltazi po them: Nga ata qe ankohen per buke do kemi gjithmone, por periudhat kur Shqiperise dhe shqiptareve u thurren himne, jane te rralla. Eshte edhe pjesa tjeter, qe kujton PPP, korrupsionin, drogen, vjedhjet, dhe nuk e ka gabim, as nuk genjen. Por gabim nuk e kishte dhe as genjente edhe ne 2005…Urrejeni, por pranojeni. Rama eshte shume hapa para. Qofte dhe vetem ne menyren e shfaqjes se nje tradite qe ne e njohim te gjithe, bujarine. Mund te jete mallkimi, apo bekimi i shqiptareve? Kjo eshte teme diskutimi per disa vite me pas.
