Moderatorja Roza Lati, përmes një statusi në rrjete sociale, ka shpjeguar se është tërhequr në moment të fundit, nga emisioni më i ri, të cilin kishte lajmëruar disa ditë më parë. Ajo ka shkruar se për arsye personale është tërhequr nga projekti në të cilin kishte dhënë shumë energji, ende pa filluar. Ndër të tjera, moderatorja përmend ndër rreshta se asgjë nuk jepet falas në këtë jetë, dhe se do të vazhdojë t’i përkushtohet emisionit të saj të vjetër “WhyNot?”. “Mirmëngjes Miq. Me duhet t’ju lajmëroj për një ndryshim. Instikti im më thotë që MISIONI dhe EMISIONI im… është WHY NOT SHOW.
Jam e fokusuar gjithë sezonin te programi im. Dhe për arsye personale, jam tërhequr nga projekti për të cilin dhash kaq shumë energji pa filluar akoma. Asgjë nuk duhet të jepet falas në këtë jetë, dhe as në televizion. Të duhet mund dhe djersë balli për të arritur suksesin. Do jem gjithmonë e përkushtuar te Bebja ime Why Not. Jam tërhequr nga gjithshka tjetër. Faleminderit.”- është shprehur Roza Lati në statusin e saj në rrjete sociale.
