Ish- presidenti Bamir Topi i ka vlerësuar maksimalisht masat e marra nga qeveria Rama mbi koronavirusin! Në një intervistë për Report Tv, Topi tha se i ka marrë masat në kohë, megjithatë tashmë është përpara një sfide që të mendojë përtej pandemisë, lidhur me ekonominë e vendit! për këtë ka ftuar edhe opozitën. Këto komenti i bëri pas reagimit të ambasadores Amerikane Yuri Kim lidhur me mbledhjen e Këshillit të Sigurisë Kombëtare.
“Për shkencën po flisja me shumë pasion, kur më fut në politikë për më tepër për të aktorë që unë i njoh shumë mirë, pavarësisht se unë vlerësoj çdo ambasador, por duke qenë brenda situatës që e njoh shumë mirë, është një mënyrë për të kaluar këtë moment pa përplasje dhe kur të mbaroj koronavirus do të fillojnë përplasjet. Pas pandemisë do të vijnë krizë ekonomke. Në Itali, recesion shumë të madh, lidershipi politik shqiptar vërtetë po e kalon me nota pozitive koronavirusin. T’i japim Cezarit atë që i takon, e mori në kohë vendimin për karantinimin. Jam mësuar t’i japë të drejtë atë që i takon. Nuk mjafton ta mbysë thjesht me masa ekonomike, mendoj që gjithçka duhet të mbahet me këtë lloj komunikimi. Qeveria dhe opozita të mos merret me gjëra anësore, të mendojnë përtej epidemisë. një qytetar i thjesht nuk e mendon këtë. Të ristrukturojë perspektivën me ekonomisë. Mund të nisesh për pushime luksi diku, gjatë rrugës të ndodh një aksident, do kthehesh në spital dhe jeta më pas nuk është si më parë. Shumë plane që janë bërë në kohë të mirë duhet të ndryshojnë”, tha Topi.
