Ricardo Kaka ka thyer heshtjen dhe këtë herë i është përgjigjur pyetjes se kush është më i mirë mes Cristiano Ronaldos dhe Lionel Messit.
Mesfushori brazilian ka tradhëtuar ish-shokun e tij të skuadrës te Reali i Madridit duke zgjedhur pikërisht yllin argjentinas. Me siguri që CR7-ës nuk do t’i kenë pëlqyer aspak deklaratat e Ricardo Kaka.
“Kam luajtur me Ronaldon dhe ai është pabesueshëm, por unë shkoj për Messin. Leo është gjeni, një talent natyror.
Mënyra e tij e të luajturit është e pabesueshme. Cristiano është një makinë. Ai nuk është vetëm i fortë, i fuqishëm dhe i shpejtë, por gjithashtu ka një mentalitet të jashtëzakonshëm.
Vullneti i tij për të fituar, luajtur dhe për të qenë më i miri është kaq i madh. Sipas mendimit tim, kjo është cilësia e tij më e jashtëzakonshme.
Në historinë e futbollit, MeSsi dhe Ronaldo janë padyshim ndër pesë lojtarët më të mirë. Të gjithë mund të jemi me fat që i kemi parë që të dy të luajnë”, u shpreh Kaka.
