Deputeti i listës “Basha” sfidon Policinë e Shtetit, publikon videon me celular duke drejtuar automjetin: Do të fus në burg Edi Ramën

Kujtim Gjuzi, deputeti i dalë nga lista “Basha” në zgjedhjet e vitit 2017, ka sfiduar Policinë e Shtetit.

Ai ka publikuar një video në rrjetin social Facebook, ku shfaqet duke folur në telefon teksa drejton automjetin e tij.

Teksa komentuesit e paralajmërojnë për gjobë, Gjuzi i siguron se do të fusë në burg kryeministrin e vendit Edi Rama.

Përdorimi i­ aparateve celularë nga drejtuesit e mjeteve, sipas studimeve është një fenomen që shkakton rreth 60% të aksidenteve në të gjithë botën.

Ndërkohë, sipas Kodit Rrugor, kjo përbën shkelje dhe ndëshkohet minimalisht me masë administrative.

Gjuzi është kryetar i Partisë Konservatore, i cili hyri në parlament përmes listës së Partisë Demokratike për qarkun e Durrësit, ku ai ishte i përzgjedhuri i kryedemokratit Lulzim Basha nën sloganin “Republika e re”. (TemA)