Java e “provës”, Europa hyn në fazën e dytë të pandemisë

Pas më shumë se një muaji në izolim, Europa ka hyrë sot zyrtarisht në fazën e dytë të luftës kundër koronavirusit, duke lejuar kthimin e një pjese të qytetarëve në punë dhe rihapur bizneset.

Spanjollët që punojnë në sektorin e industrisë dhe të ndërtimit kanë filluar të kthehen në punë, ndërsa Italia, Austria, Gjermania, Polonia, Franca, Spanja dhe Danimarka kanë lehtësuar këtë të hënë disa masa të kufizimit. Pas disa javë izolimi, qytetarët kanë nisur të dalin nga shtëpitë. Të shtrënguara midis nevojës dhe frikës, qeveritë europiane po punojnë për të nisur fazën e dyte duke ditur që çdo gabim është fatal. Duke iu bashkuar pjesës më të madhe të vendeve të kontinentit, edhe Shqipëria do të lejojë sot hapjen e një pjesë te madhe te bizneseve, edhe pse kufizimi i orareve do të mbetet në fuqi, për të parandaluar përhapjen e koronavirusit.

Megjithate, rikthimi i normalitetit në kontintetin e vjetër, do të varet nga kthesa që do të marrë pandemia këtë javë, ndërkohë që qeveritë europianë “luajnë më zjarrin” në përpjekje për të rihapur ekonomitë.

Në Itali që nga e marta do të ketë një rihapje të kufizuar, me biznese të tilla si libraritë, dyqanet dhe magazinat që do të lejohen të hapen. Megjithatë, në Lombardi bizneset kanë refuzuar të hapin dyert, për shkak të frikës për një valë të dytë epidemie.

Por ajo që po udhëheq përpjekjet europiane për të dalë nga pandemia është Gjermania, ku shumë dyqane kanë filluar aktivitetet. Në Saksoni, në Berlin dhe Brandenburg nga sot janë rihapur edhe shkollat. Ekonomia më e madhe europianë ka shënuar më shumë se 141 mijë raste me Covid 19 dhe mbi 4,400 viktima.

Zyrtarët gjermanë deklaruan javën e kaluar se niveli i përhapjes së pandemisë ishte ulur dhe ishte nën kontroll. Megjithatë, kancelarja Angela Merkel paralajmëroi qytetarët të ishin vigjilentë dhe të respektonin distancën, për të shmangur një valë të dytë infektimesh.

Duke iu ndrojtur të njëjtit skenar, Franca dhe Spanja kanë vendosur të shtyjnë daljen përfundimtare nga izolimi, duke njoftuar këtë javë lehtësimin e disa masave, për të mos rrezikuar edhe më shumë.

Kryeministri francez Edouard Phillippe ka paralajmëruar sot se do të duhet shumë kohë që të kthehemi në jetën e mëparshme. Franca ka lejuar hapjen e disa dyqaneve dhe parqeve, por e ka bërë mbajtjen e maskës së detyrurshme. Autoritetet në Francë kanë raportuar se numri i viktimave nga koronavirusi ka arritur tanimë në 20 mijë kurse rastet pozitive në rreth 154 mijë

Ashti si Franca, edhe Spanja tani regjistron më shumë se 20 mijë viktima që nga fillimi i shpërthimit të epidemisë, duke e bërë atë vendin e tretë më të prekur pas SHBA-së dhe Italisë.

Në Spanjë, qeveria po lejon disa punonjës të kthehen në vendet e punës duke filluar nga e hëna. Sidoqoftë, shumica e spanjollëve pritet të qëndrojnë në shtëpi, pasi shkollat​​dhe restorantet mbeten të mbyllura.

Ministria e shëndetësisë e vendit lëshoi ​​udhëzime gjatë fundjavës për ata që kthehen në punë, duke rekomanduar që punëtorët të udhëtojnë më biçikletë ose të ecin këmbë nëse është e mundur. Autoritetet filluan gjithashtu të hënën duke u shpërndarë maska ​​për fytyrën të gjithë njerëzve që hipnin në transportin publik. Qeveria tha se do të shpërndante 10 milion maska​​në total gjatë ditëve të ardhshme.

Ndikimi shëndetësor i lehtësimit të këtyre masave, i cili nënkupton që njerëzit do të duhet të përdorin transport publik, nuk do të jetë i dukshëm për disa ditë ose javë. Sidoqoftë, vendimi ka ngjallur një debat publik, me disa ekspertë që e përshkruajnë këtë veprim si të parakohshëm.

Pablo Casado, udhëheqësi i opozitës kryesore spanjolle, paralajmëroi të dielën se Spanja mund të zhytej në një gjendje e përgjithshme kaosi.

“Shumë punonjës po kthehen në punë, edhe një herë në mes të konfuzionit të përgjithshëm,” tha ai, duke shtuar se “qeveria duhet të garantojë sigurinë e punëtorëve”.

Ndërkohë, Presidenti rajonal i Katalonjës, Quim Torra, e quajti vendimin e qeverisë “të pamatur dhe të pakuptimtë”.

Kryeministri i Spanjës Pedro Sánchez njoftoi zgjatjen e bllokimin deri në 9 maj, por tha se ekonomia spanjolle nuk do të mbijetonte pa lehtësimin e disa masave. Ai tha se masat shtrënguese që kanë izoluar 47 milion spanjollë që nga 14 marsi do të hiqen totalisht nga mesi i majit.

“Dhe nga 27 prilli e tutje, në Spanjë fëmijët do të lejohen të dalin nga shtëpinë të shoqëruar nga prindërit”, shtoi Kryeministri. Masat e Spanjës kanë qenë nga më të rreptat në Europë dhe qytetarëve u lejohet të dalin vetëm për të blerë ushqime dhe produkte farmaceutikë.

Pandemia e koronavirusit ka gjymtuar ekonomitë europiane, ndërkohë që numri i rasteve të reja nisi të ulej, Austria u bë vendi i parë që lehtësoi disa nga masat e marra. Ajo ka lejuar hapjen e dyqaneve më të vogla se 4,300 metra katrorë, magazinat dhe parqet federale janë lejuar të rihapen.

Vende të tjera europiane, siç është Danimarka, kanë hapur shkollat por në këtë komb të vogël alpin, presioni i mprehtë politik dhe ekonomik ka bërë që qeveria të përqëndrohet së pari tek pronarët e bizneseve të vogla.

Polonia ka ndjekur po ashtu hapat e Austrisë dhe Gjermanisë, pas uljes së numrit të rasteve të reja.

Parqet dhe pyjet do të rihapen të hënën dhe numri i njerëzve të lejuar në dyqane do të hiqet, tha të enjten Kryeministri Mateusz Moraëiecki. Por shumë kufizime, të tilla si mbajta e maskës dhe veshja e dorezave plastike në dyqanet ushqimore, si dhe mbyllja shkollave do të mbeten në vend.

Deri të dielën, Polonia kishte 9.287 raste të konfirmuara dhe 360​​viktima. Partia qeverisëse (PiS) ka thënë se masat kufizuese i kanë kushtuar Polonisë 2.2 miliardë euro çdo ditë.

Norvegjia, e cila beson se ka virusin nën kontroll, filloi po ashtu sot fazën e dytë të pandemisë me rihapjen e shkollave dhe çerdheve pas një muaji mbylljeje. Autoritetet thanë që rihapja ishte e mundur sepse fëmijët ishin më pak të prekur, megjithëse disa prindër shprehin rezerva për këtë vendim.

Rihapja e çerdheve shoqërohet me masa paraprake. Në veçanti, fëmijët nën moshën tre vjeç duhet të grupohen nën përgjegjësinë e një të rrituri në grupe të vogla prej tre personash, dhe ata midis tre dhe gjashtë vjeç në grupe prej gjashtë, pa u përzier me të tjerët. Sipas autoriteteve shkollat fillore do të rihapen të hënën më 27 prill. Norvegjia ka mbi 7100 raste pozitive me koronavirus dhe 165 viktima.(si)