Sipas Qendrës për Kontrrollin dhe Parandalimin e Sëmundjeve, duhet të vendosni një maskë në publik, veçanërisht në “ambientet ku masat sociale të distancimit janë të vështira për t’u mbajtur (p.sh. dyqanet ushqimore dhe farmacitë)” dhe “veçanërisht në zonat me transmetim të lartë në komunitet”.
Mendoni për rrethanat ku do të jetë më e vështirë për të mbajtur të paktën 6 metra larg nga njerëzit e tjerë, veçanërisht në vendet e mbyllura, të ajrosura dobët. Në këto lloj rrethavash koronavirusi ka më shumë të ngjarë të përhapet nga ajri ose sipërfaqet.
Megjithatë, Qendra për Kontrrollin dhe Parandalimin e Sëmundjeve deklaroi se ka disa përjashtime: “Mbulimi i fytyrës nuk duhet të ndodhë tek fëmijët e vegjël nën moshën 2 vjeç, tek kushdo që ka probleme me frymëmarrjen, dikush që është i pavetëdijshëm ose i paaftë për ta hequr maskën pa ndihëm e dikujt tjetër.
Dhe kujdes: Nëse përdorni një maskë në mënyrë të gabuar, ose filloni të veproni në mënyrë të shkujdesur sepse vishni një maskë, në të vërtetë mund t’ju dëmtojë më shumë sesa ju ndihmon. Veçanërisht nëse prekni fytyrën kur keni maskë, mund të infektoni veten. Nëse ripërdorni një maskë pa e pastruar atë, mund të ekspozoheni nga pikat e virusit që mund të keni marrë herën e fundit.
Nëse nuk mbani higjenën e mirë ose distancimin shoqëror vetëm sepse po vendosni një maskë, ju po e vendosni veten – dhe komunitetin tuaj – në një rrezik më të madh. Qendra për Kontrrollin dhe Parandalimin e Sëmundjeve ofron disa këshilla se si të përdorni siç duhet një maskë. Mbi të gjitha, mos prekni maskën dhe më pas prekni pjesët e tjera të fytyrës tuaj, veçanërisht sytë, gojën dhe hundën. I gjithë qëllimi i maskës është t’ju mbrojë nga mikrobet e jashtme.
Duhet gjithashtu të lani duart para dhe pasi të hiqni maskën. Hiqeni maskën jo duke prekur pjesën e përparme. Nëse është e mundur, hidhni maska t pasi t’i përdorni. Dhe nëse nuk mund ta hidhni një maskë, sigurohuni ta dezinfektoni plotësisht me sterilizues.
Për disa njerëz, mund të ketë kuptim të keni maska të shumta nëse duhet të dilni shumë herë në një ditë. Sidoqoftë, gjëja e rëndësishme është të hidhni një maskë të përdorur kohët e fundit në lavanderi sa më shpejt të jetë e mundur dhe të shmangni prekjen, derisa të pastrohet. Mos mbani maska të përdorura përreth shtëpisë tuaj, ku njerëzit lehtë mund t’i prekin ato dhe potencialisht të infektohen. / Vox-bota.al
