Japonia shpalli të martën një emergjencë për koronavirusin në disa pjesë të vendit, ndërsa Kryeministri britanik Boris Johnson mbetet i shtruar në spital me COVID-19. Zyrtarët amerikanë analizuan disa shenja se shpërthimi mund të ketë filluar të ngadalësohet në disa prej rajoneve më të goditura të vendit.
Kryeministri japonez Shinzo Abe tha se vendimi i tij për të miratuar një gjendje të jashtëzakonshme në Tokio dhe gjashtë prefektura të tjera bazohej në nevojën për të mbrojtur njerëzit në mes të një situate që është që prek”rëndë” jetën dhe ekonominë.Masa një mujore lejon që zyrtarët të kërkojnë që njerëzit të qëndrojnë në shtëpi, dhe shoqërohet me një paketë stimuluese qeveritare me vlerë rreth 1 trilion dollarë.Kryeministri britanik Johnson u shtrua në spital të dielën pasi simptomat e tij vazhduan ndërsa ishte në izolim. Zyra e tij tha të hënën gjendja e tij u përkeqësua dhe se ai u transferua në repartin e kujdesit intensiv, por nuk i është vendosur një respirator.
Britania ka parë një rritje në numrin e rasteve të saj të koronavirusit, duke raportuar 600 vdekje të dielën dhe 400 të tjerë të hënën.Shtetet e Bashkuara kanë arritur rreth 11,000 vdekje, duke e bërë atë vendin e tretë për nga numri zyrtar i vdekjeve, pas vetëm Italisë dhe Spanjës.Më shumë se 40 përqind e vdekjeve në Sh.B.A-së kanë qenë në shtetin e Nju Jorkut, dhe shumica në qytetin e Nju Jorkut. Guvernatori i këtij shteti Andrew Cuomo njoftoi për një shenjë të mundshme progresi në kontrollin e përhapjes së koronavirusit me një rënie të shtrimeve në spitalet dhe pacientëve në gjendje kritike.
Por ai theksoi nevojën për të mos hequr dorë nga përpjekjet distancuese të publikut, duke njoftuar një zgjatje të mbylljeve për shkollat dhe bizneset jo thelbësore deri në fund të muajit.“Nënvlerësimi i këtij virusi është në rrezikun tonë,” tha Cuomo. “Tani nuk është koha për të pushuar përpjekjet.”Në Korenë e Jugut, vazhdon përparimi i qëndrueshëm me 47 infeksione të reja të raportuara të martën, por zyrtarët atje gjithashtu mbeten të shqetësuar për një kthim të rasteve dhe u kërkuan njerëzve të qëndrojnë në shtëpi.
Ata po shqyrtojnë gjithashtu mundësinë e përdorimit të byzylykëve elektronikë për të gjurmuar ata që janë në karantinë për shkak të virusit.Një ide e ngjashme u autorizua të hënën në shtetin amerikan të Virxhinisë Perëndimore, ku një gjykatës aprovoi autoritetet lokale për të vendosur monitorë në këmbët e njerëzve që testojnë pozitivë, por refuzojnë të hyjnë në karantinë për të mbrojtur të tjerët.Përparimi në disa vende evropiane ka çuar në disa nga hapat e parë për të anuluar masat e bllokimit dhe kthimin e pjesshëm të jetës normale.
Danimarka, pas një njoftimi të ngjashëm këtë javë nga Austria, thotë se do të rihapë kopshtet e fëmijëve, dhe shkollat fillore duke filluar nga 15 Prilli. Shkolla tetëvjeçare dhe të mesme do të pasojnë më 10 maj.Virusi ka shtyrë zgjedhjet paraprake presidenciale në Shtetet e Bashkuara, por shteti i Uiskonsënit po vazhdon me zgjedhjet e tij të martën pasi një urdhër gjykate rrëzoi një vendim të guvernatorit të shtetit për të shtyrë votimin deri në qershor.Në Poloni, ligjvënësit miratuan një plan për të mbajtur zgjedhjet e tyre presidenciale të 10 majit plotësisht me votimin me postë. Masa gjithashtu lejon mundësinë e shtyrjes së ditës së zgjedhjeve nëse vlerësohet e nevojshme. Projekt-ligji duhet të miratohet nga senati i vendit dhe të nënshkruhet nga presidenti.
