Shumë njerëz në botë, kryesisht suedezët, nuk u ka bërë aspak përshtypje se ky virus i përhapur në mbarë globin mund të vrasë. Kur Covid-19 deri më tani u ka marrë jetën më shumë se 100 mijë njerëzve në rang global, një grup pensionistësh kanë vijuar lojën e pokerit mes tyre pa pasur frikë.
Megjithatë loja nuk zgjati shumë sepse nga grupi me 8 pensionistët e apasionuar pas lojës së pokerit tre prej tyre e humbën betejën me Covid-19.
Mediat e huaja shkruajnë se të paktën për 7 ditë me rradhë të tetë të moshuarit u infektuan dhe nga to, 3 vdiqën.
Djali i njërit prej viktimave të Covid-19, ka treguar se i ati i tij vazhdimisht e kishte paralajmëruar gruan e tij që të bënte kujdes. Grupi i pensionistëve nga New Yorku, të cilët ishin vendosur në Florida para se të dilnin në pension, e pëlqenin shumë lojën e pokerit, sa loja e tyre e fundit në një vend 20 milje në veri të Miamit, u mori jetën Mercy Friedman, 94-vjeç dhe çiftit të bashkëshortëve Beverly Glass 84-vjeçe dhe 86-vjeçarit Fred Sands.
Në rang global deri më tani rezultojnë të infektuar 2,084,022 persona dhe kanë humbur jetën 134,669 të tjerë. Ndërsa, 510,690 qytetarë e kanë fituar betejën me COVID-19. Vendet më të prekura janë SHBA, Italia, Franca, Spanja. Virusi po bën ‘kërdinë’ edhe në Europë. 21,645 qytetarët kanë humbur jetën në Itali dhe në Spanjë janë shënuar 18,812 viktima.
Dailymail
