Presidenti i Shteteve të Bashkuara, Donald Trump, e udhëzoi administratën e tij që të ndalojë fondet për Organizatën Botërore të Shëndetësisë (OBSH). KJo pasi sipas tij “ka dështuar në detyrën e saj themelore”: përgjigjen ndaj shpërthimit të koronavirusit. Ai e akuzoi OBSH-në, që është agjenci e Kombeve të Bashkuara, për fshehje të përhapjes së koronavirusit, pasi është shfaqur në Kinë, dhe tha se ajo duhet të mbahet përgjegjëse.
Ndërkohë lidhur me këtë vendim të Trump ka reaguar edhe OKB. Shefi i OKB, Antonio Guterres tha se: Tani nuk është koha për të reduktuar të ardhurat për OBSH. Është koha që komuniteti ndërkombëtar të punojë në ndalimin e këtij virusi.
