Kuvendi i Republikës pritet të shqyrtojë sot në Seancën Plenare disa projektligje të rëndësishme. Sot në Kuvend do të shqyrtohet Raporti i veprimtarisë vjetore të Komisionerit për të Drejtën e Informimit dhe Mbrojtjen e të Dhënave Personale për vitin 2019.
Kuvendi do të shqyrtojë edhe raportin e veprimtarisë vjetore të ERRU-së për vitin 2019. Kuvendi do të shqyrtojë raportin e veprimtarisë vjetore të KQZ-së për vitin 2019. Kuvendi gjithashtu pritet të shqyrtojë sot projektligjin “Për një shtesë në ligjin nr. 7703, datë 11.5.1993, “Për sigurimet shoqërore në Republikën e Shqipërisë”, të ndryshuar””.
Kuvendi gjithashtu pritet të shqyrtojë projektligjin “Për tregjet financiare të bazuara në teknologjinë e regjistrave të shpërndarë”’. Kuvendi do të shqyrtojë edhe Projektvendimin “Për një shtesë në vendimin nr. 85/2017 “Për zgjedhjen e Byrosë dhe përbërjen e Sekretariateve të Kuvendit” të ndryshuar””.
Kuvendi gjithashtu pritet të shqyrtojë projektvendimin “Për një ndryshim në vendimin nr. 86/2017 “Për caktimin e kryesive të komisioneve të përhershme parlamentare” të ndryshuar””. Gjithashtu pritet miratimi/njoftimi i draftprogramit të punës së Kuvendit për periudhën 25 maj – 3 korrik 2020 si edhe miratimi/njoftimi i draftkalendarit të punimeve të Kuvendit për periudhën 25 maj – 12 qershor 2020.
