Dymbëdhjetë vjeçari peruan, Victor Martin Angulo Cordoba, u detyrua të mësonte dhe të bëjë detyrat e shtëpisë në rrugë, nën dritën e ndriçimit në rrugë, sepse nëna e tij nuk kishte para për të paguar energjinë elektrike.
Viktor u bë i famshëm në botë pasi policia e vuri re të ulur i vetëm në orët e vona të natës gjatë një kontrolli të kamerave së sigurisë.
Siç deklaruan ata, në fillim ai ishte i dyshimtë për ta, por kur zmadhuan videon, panë që djali po lexonte dhe shkruante diçka në fletoren e tij.
Shpejt pasi videoja u shfaq në Facebook, numri i shikimeve arriti në pesë milion, dhe ajo që preku të gjithë njerëzit ishte përkushtimi i tij, por edhe mendimi se përse ky vogëlush eshte në rrugë çdo natë.
Duke parë këtë video në internet, Jakub Yusuf Ahmed Mubarak, një milioner nga Bahreini, mbërriti në Peru me qëllim të ndryshoj jetën e djalit. Ai premtoi të rinovonte shtëpinë dhe të shtonte një kat tjetër. Ai menjëherë pagoi për futjen e energjisë elektrike, dhe vendosi për një veprim kaq fisnik, sepse ai vetë kishte pasur një fëmijëri të ngjashme.
Nëna e tij tha se Viktori pyeti veten se si ishte e mundur që dikush nga një kontinent tjetër të vinte dhe ta shihte atë.
“Unë jam mirënjohës për njerëzit që duan të më ndihmojnë mua dhe djalin tim, jam mirënjohës nga zemra ime që ata kanë aq shumë mirësi në to dhe që ata gjetën kohë për të ardhur në shtëpinë time, veçanërisht sepse askush tjetër nuk bëri”, shtoi nëna e Viktorit. .
Viktor tha se ai dëshiron të shkojë në shkollë dhe të bëhet oficer policie në mënyrë që të luftojë korrupsionin, që është një problem i madh në atë vend të Amerikës së Jugut.
