7 vite më parë Silva Gunbardhi, partneri i saj Dafi dhe Mandi sollën këngën “Të ka lali shpirt” që papritur e pakuptur do kthehej në një hit. Kjo këngë fitoi jo vetëm zemrat e shqiptarëve, por gjithashtu, kaloi edhe kufijtë duke bërë namin në Ballkan, por jo vetëm. Aktualisht, ky bashkëpunim numëron 549 milionë klikime duke u renditur si një nga këngët më të klikuara shqiptare.
Por ndonëse kanë kaluar shumë vite, duke se suksesi i “Të ka lali xhan” ende nuk ka mbaruar. Mos e besoni po deshët, por edhe Cardi B e dëgjon këtë këngë, madje ia ka treguar edhe 71.9 milionë ndjekësve të saj. Ajo ka realizuar një video live në Instagram, ku ka komunikuar me fansat dhe në një moment dëgjohet në sfond kënga shqiptare. Ky moment është kapur nga fansat dhe është shpërndarë më pas në rrjetet sociale edhe nga Silva Gunbardhi, e cila ka shkruar krah videos ” Të dua @iamcardib”. Kjo nuk është hera e parë që këngët shqiptare arrijnë të depërtojnë kaq larg. Kujtojmë se vetëm pak ditë më parë bëri xhiron e rrjetit një video e Snoopdog i cili dëgjonte këngën e Luanës me Bujar Qamilin “M’i dhe flakë mallit tim”.
