Home Lajme Aktualitet Ende pa u mbyllur vlerësimi i emrave, Nard Ndoka “dekonspiron” Bashën dhe...

Ende pa u mbyllur vlerësimi i emrave, Nard Ndoka “dekonspiron” Bashën dhe zbulon kandidatët e PD për deputet

12/08/2020 20:20

Kryetari i Partisë Demokristiane, Nard Ndoka, ka konfirmuar disa prej emrave të kandidatëve të Partisë Demokratike në disa qarqe të vendit. Ndoka deklaron se në Shkodër do të kandidojë Romeo Gurakuqi, në Lezhë Aldo Bumçi, në Elbasan Edmond Spaho, në Gjirokastër Tritan Shehu, në Korçë Valentina Duka dhe në Vlorë Agron Shehaj. Kreu i PDK-së krahason kandidatët e PD-së me ata të mazhorancës dhe thotë se e djathta është humane , ndërsa e majta është e përgjegjshme dhe mjerane.

“E djathta humane, e majta mjerane! E djathta kryeson listat me profesorë dhe politikanë karriere, në Shkodër profesor Gurakuqi, në Lezhë Aldo Bumçi, në Elbasan profesor Spaho, në Gjirokastër doktor Shehu, në Korçë profesoreshë Valentina Duka, i vetmi biznesmen që kryeson listën në Vlorë Agron Shehaj, i cili vjen nga një kulturë europiane e të bërit biznes, i suksesshëm dhe i talentuar. Sot, pa bujë dhe ceremoni i dhuron sërish sistemit shëndetësor pajisje që shpëtojnë jetë, gjest civilizues, human dhe njerëzor. Çfarë solli e majta dhe ku është sot?! E zhytur në korrupsion e deri në afera anti-njerëzore, korrupsion me jetën e qytetarëve, korrupsion tek Ministria e Shëndetësisë, me tendera sekret dhe abuziv deri në kr im njerëzor.

Një deputet përfiton nga pandemia dhe karantina e detyrueshme, në hotelet e tij. Një tjetër me spitalet artificiale COVID-3, KM që menaxhon edhe fatkeqësitë kombëtare, tërmet dhe pandemi, me miqtë e tij të partisë, për t’i përdorur nesër në fushatë kundër Opozitës dhe vullnetit të qytetarëve. Këto janë dy modelet që demonstrohen sot publikisht: një e djathtë humane dhe e përgjegjshme, përballë “Rilindjes” shartim i së majtës, që prodhon korrupsion, k rim e papërgjegjshmëri.

Dallimin këtu nuk e bëjnë vetëm detajet, por fryma, qëndrimet dhe veprimet e palëve. Çfarë do mbjellësh, do të korrësh, ndaj Rama sot po provon hidhur shijen e sondazheve, produkt i “frutave” që ai mbolli për vite me keq-qeverisjen e tij! Mëkatet e keq-qeverisjes, korrupsionit, dro gës, krim it, traf ikut, do paguhen një ditë, nesër gjykim me votë dhe pasnesër me drejtësi”, shkruan Ndoka

Ende pa u mbyllur vlerësimi i emrave, Nard Ndoka “dekonspiron” Bashën dhe zbulon kandidatët e PD për deputet

Video/ Çudira nga Kameruni, lojtarët marrin paratë në dorë para ndeshjes

Kronikë e një tragjedie të paralajmëruar në Gjermani

Dy emra për qendrën e mbrojtjes, Florentino Perez me sytë nga Liverpool dhe Leverkusen

Temperatura deri në -10°C, parashikimi i motit për javën e ardhshme

Njeriu që synon t’i shpëtojë vdekjes

E reja italiane goditet 30 herë me thikë nga ish-i dashuri në vendin e...

Horoskopi, fati yt për datën 23 dhjetor 2024

Rikthehet monumenti i patriotit Çerçiz Topulli në zonën muzeale të Gjirokastrës

Video/ Atalanta përmbys 3-2 Empolin dhe rimerr kreun e Serie A, Gjimshiti fiton derbin...

Video/Parashqevi Simaku përshëndet festivalin e këngës në RTSH

Video/ Çudira nga Kameruni, lojtarët marrin paratë në dorë para ndeshjes