Pasditen e kësaj të shtune, një breshër me madhësi sa një top pinpongu ra në zonat e Kastorias, duke shkaktuar dëme në makina, shtëpi dhe të mbjellat.
Nga fotot e publikuara, kokrra e breshërit kishte madhësinë e një topi ping pongu nga fotot e publikuara. Breshëri i pazakontë shkaktoi dëme jo vetem në të mbjella dhe mjete automobilistike por edhe në ngrohësit diellorë, që i plasariti dhe në shume vende i shkatërroi fare.
Sipas buletinit të urgjencës së fenomeneve të rrezikshme të motit të lëshuar nga EMY, një ndryshim i përkohshëm i motit është parashikuar nga pasditja e vonë e 15 gushtit edhe në veri të Greqisë me shira të fortë dhe stuhi të shoqëruara nga erëra të forta dhe breshër.
Këto fenomene intensive do të prekin Maqedoninë, kryesisht Qendrore dhe Lindore, nga pasditen e sotme deri në orët e para të mëngjesit të së dielës, kur ato përkohësisht do të shtrihen në Thrakë dhe gradualisht do të dobësohen.
